Home    C ontact US        haqayo team-     Diin      suganta Haqoyonews Warside

Beesha Ayuub oo ku mudaharaaday Xukuumadda Siilaanyo soo dhisay oo ay ka waayeen Wasiir uu ugu balan qaaday   Read more -29-07-010

Hargeysa(Haqayonews.com)Dadweynaha Xaafadda Isha Boorame ee Magaaladda Hargeysa ee ka soo jeeda Beesha Ayuub ayaa maanta ku mudaharaaday Xukuumadda uu shalay ku dhawaaqay Madaxweyne Siilaanyo

Dadweynaha Xaafadaasi ayaa saaka gadooday, waxaanay Taayiro ku gubeen Jidka Xaafadaasi taga, iyagoo ku dhawaaqayay erayo lidi ku ah Madaxweyne Siilaanyo iyo Xukuumaddiisa, oo ay ku tilmaameen inay tahay mid aan si hufan loo soo dhisin

Beesha Ayuub ayaa si weyn uga cadhootay sababta Madaxweyne Siilaanyo ugu magacaabai waayay Wasiir iyagoo qaar ka mid ah dadweynihii mudaharaadayay ay sheegayeen inuu kaga baxay Beesha Wasiir uu ugu balan qaaday inuu u magacaabayo, iyagoo sheegay inay ku khasaareen taageeradii ay beeshu siisay, oo in badan Mucaarad ku ahayd Xukuumaddii Rayaale

Ciidamo badan oo Booliis ah ayaa ka hortagay dadkii Mudaharaadayay waxaanay qab-qabteen qaar ka mid ah oo ay xabsiga u taxaabeen isla markaana waxay baabi’iyeen taayiradii iyo dhagaxaantii ay wadada ku jareen

Talaabadan ayaa ah tii ugu horeysay ee beel ka mid ah beelaha Somaliland ay kaga hor yimaadaan Xukuumadda Siilaanyo ee shalay uun lagu dhawaaqay, iyadoo ilaa shalayna ay jiraan cabashooyin badan oo lagu saluugsan yahay qaabka loo soo qaybiyay Xubnaha Wasiiradda ah ee Xukuumadiisa

waaheen

Haqayonews.com (R)2009 � News Agency �