|
Wasiirka Arrimaha Dibadda oo Beesha Caalamka u Gudbinaya Guulaha Dimuqraaiyadeed ee Somaliland ku Tallaabsatay
warkoo dhan-06-08-010
 London (Haqayonews.com)- Wasiirka Arrimaha Dibadda ee Somaliland, Dr. Maxamed Cabdillahi Cumar, ayaa khudbad ka jeediyay xarunta Boqortooyada Daraasadadda iyo Falaqaynta Siyaasadda Caalamka ee loo yaqaano Chatham House ee ku taalla magaalada London ee dalka Ingiriiska.
Dr. Maxamed Abdillaahi Cumar oo booqashadiisii u horraysay ee dalka dibada uga baxo ku jooga dalka Ingiriiska, sida lagu baahiyey shabakada wararka ee Hadhwanaagnews.com waxa uu shalay xarunta Chatham House kula kulmay diblomaasiyiin shisheeye, cilmibaadhayaal, khabiiro ka faallooda siyaasada Geeska Afrika, suxufiyiin iyo saraakiil ka socda wasaaradda Arrimaha Dibadda ee Ingiriiska iyo marti sharaf kale.
Waxaa uu Dr. Maxamed Cabdillaahi ka hadlay sidii nabadgalayada iyo xalaasha ahayd ee ay doorashadii madaxtooyada Somaliland dalka uga dhacday iyo sidii wanaagsanayd ee awoodda loo wareejiyay oo ku tilamaamay mid sumad gaar ah ugu astaysan marka la eego doorashooyinka ka dhaca waddamada soo koraaya ee aan wali dhaqanka dimuqraadiyadu ku xididaysan.
Waxaa kale oo wasiirka Arrimaha Dibada iyo Iskaashiga Caalimiga ee Somaliland si dheer uga hadlay hawlaha culus ee horyaalla maamulka cusub ee Madaxwayne Axmed Maxamed Maxamuud Silaanyo oo ku tilaamay inay yihiin hawlo baaxad wayn leh oo iskaashi caalami ah u baahan.
Waxaanu wasiirka arrimaha dibeddu xusay in halwha horyaal xukuumada cusub oo ay ka mid yihiin kuwa nabaadgalyo, baahi biyo, caafimaad, waxbarasho iyo dhaqaale, kuwaasi oo uu xusay inay dhammaantood u baahan yihiin hawlagallo dawladeed oo degdeg.
Waxaa kale oo uu Dr. Maxamed tibaaxay qorshayashaayasha dawladooda ay ku wajahayso wax ka qabashada baahida dalka ee uu ka hadalay. Wuxuu soo jeediyay qorshayaal muujinaya qaabka dawladoodu ku talo jirtay inay wax kaga qabatao arrimahan oo taabanaya dhinacyo kala duwan.
Dr. Maxamed Cabdillaahi Cumar intii aanu toddobaadkan ka soo ka ambabixin magaalada Hargeysa, waxa uu qasriga madaxtooyada Somaliland kula shiray wefti culus oo ka socday deeqbixiyayaasha caalamka, madax ka socdau Banigga Adduunka iyo madaxda hay’adaha Qaramada Midoobay, isaga oo wasiirku xusay inuu socdaal ku marayo waddamo ka mid ah Yurub oo gaadhsiinayo guulaha siyaasdadeed ee Somaliland ka gaadhay xagga doorashooyinka iyo dimuqraadiyadda, una soo qadimaayo bulshada caalmaka qorshyaasha siyaasadeed, dhaqaale iyo bulsho ee xukuumadda cususb ku wajahayso arrimaha horyaalla dalka iyo sidii loo kobcin lahaa iskaashi xagga nabadaalayda iyo horumurka ee ka dhexeeya Somaliland iyo dunida
haqayonews.com
| 
