Siilaanyo oo maanta xafiiskiisa ku qaabilay wakiilka EU-da u qaabislan Somaaliya iyo  Somalilabd  iyo wasiiro  la an sixiyay   warkoo dhan-09-08-010

Hargysa,(Haqayonews.com)-Madaxweynaha JSL Mudane Axmed Maxamed Maxamuud ( Siilaanyo) waxa uu Maanta qasriga Madaxtooyada ku qaabilay Wefdi Balaadhan oo ka socda EU-da. Sidaasi waxa lagu sheegay warsaxaafadeed ka soo baxay xarunta madaxtooyada Somaliland oo uu ku saxeexnaa afhayeenka madaxtooyada mr Cukuse, warsaxaafadeedkaasi oo nuqul ka mid ahi uu soo gaadhay shabkada qarannews waxa uu u dhignaa isga oo dhamystiran sidani hoos ku xusan Weftigan oo uu hogaaminaayey Geroges-Marc Andre oo ah wakiilka EU-da ee Somaliland & Somaliya kana koobnaa 13 Xubnood oo ka kala socda wadamada Sweden, Finland, Denmark, France. Netherlands, Hungary, Spain, Germany, Austria, iyo UK. Waxa uu madaxwaynuhu uga waramay Xaalada Guud ee Somaliland ee dhinacyada Nabad gelyada, Maamulka iyo Dhaqaalaha. Waxa kale oo uu madaxwaynuhu Weftiga uga waramay Dhismaha Xukuumada oo uu sheegay in ay tahay Xukuumad aad u Tiro yar isla markaana Tayo leh oo ay Aqoonta iyo Khibradu Saldhi u yihiin, Madaxwaynuhu waxa uu tafaasiiska bixiyey siyaasada xukuumada Cusub ee Horu marinta Wadanka & in ay uu yoolkeedu yahay rumaynta iyo meel marinta Balanqaadyadii xiliga kaanbaynka ee hore. Dhinaca kalena madaxwaynuhu waxa uu ku nuuxnuuxsaday Adkaynta Nabad gelyada iyo Ka hortaga Argagixisada iyo Budhcad badeeda. Madaxa Weftiga Ceroges-Maec Andre ayaa isaguna waxa uu madaxwaynaha si wayn ugu hambalyeeyey doorashadii Dalka ka dhacday iyo Sidii nabad gelyada lahayd ee isbedelku u dhacay, Madaxa weftigu waxa uu soo maalilnad ku dhiiriyey Dadaalka ay ugu jirto inay Horu-mar ka gaadho Dhismaha Dawladnimada & Hanaanka Dumuquraadiyada, waxaanu sheegay in ay EU-du diyaar u tahay in ay Somaliland ka caawiso farsamada iyo Aqoonta lagu Xaqiijinaayo taas. Gebegebadii kulankan waxa uu ku dhamaaday is Afgarad. News: Wasiiro maanta la ansaxiyay Dhanka kalena waxa ay maanta golaha wakiiladu ay si aqlabiyad ah ku ansaxiyeen 11 wasiir iyo 3 wasiir ku xigeen oo ka tirsan golaha wasiirada ee cusub, iyada oo kuwa kalena maalinta bari ah loo balansanyahay in la ansaxiyo, waana kuwan wasiiradii iyo ku xigeenadii maanta la ansaxiyay magacyadoodu hoos ku qoran. 1-Wasiirka Maaliyada Md. Maxamed Xaashi Cilmi, 2- Wasiirka Arrimaha Gudaha Dr. Maxamed Cabdi Gaboose, Mudane, Guddoomiyuhuna muu codayn. 3-Wasiirka Wasaarada Waxbarashada Marwo Samsam Cabdi Aadan, waxa 4- Wasiirka Wasaarada Qorshaynta Md. Sacad Cali Shire 5- Wasiirka Shaqada iyo Arrimaha bulshada Marwo Ilhaan Maxamed Jaamac. 6-Wasiirka Gaashaan-dhiga Md. Axmed X. Cali Cadami, 7- Wasiirka Cadaalada Prof. Ismaaciil Muumin Aare, 8- Wasiirka Diinta iyo Awqaafta Sh. Khaliil Cabdilaahi Axmed, 9- Wasiirka Ganacsiga, Warshadaha iyo Dalxiiska Dr. Maxamed Yaasiin Xasan 10-Wasiirka Boosaha iyo Isgaadhsiinta Md. C/Risaaq Ibraahim Maxamed 11- Wasiirka Duulista Hawada Md. Maxamuud Xaashi Cabdi 12- Wasiir Ku Xigeenka Maaliyada Md. Warsame Siciid Cabdi, 13-Wasiir Ku Xigeenka Arrimaha Gudaha Md. Cismaan Garaad Soofe, 14- Wasiir Ku Xigeenka Arrimaha Dibada Maxamed Yoonis Cawaale

haqayonews.com

Kayse aden

Hargeisa